वात्रटिका...


*'राजकीय-भारूड-अभंग'*


अधिवेशनात कोणी अभंग,
कोणी गातो भारूड आहे ||
जनतेच्या मानगुटीवर मात्र,
राजकारणाचे गारूड आहे ||

हा प्रश्न आहे ज्याचा-त्याचा,
कोणास काय गाणं आहे ||
एवढे एक मात्र लक्षात ठेवा,
जनतेशी आपलं देणं आहे ||


✒अनिल लांडगे उंडणगाव
ता.सिल्लोड,जि.औरंगाबाद
968 967 5050

वात्रटिका...


*'खेळ खुर्चीचा'*


पावसात सारे वाहून गेले,
मदतीचा येथे ना मेळ आहे ||
पडले ना कोणास काही,
चालला खुर्चीचा खेळ आहे ||

खुर्चीचा हा खेळ  तुमचा,
थांबणार कधी कळत नाही ||
नाही राहणार उभा शेतकरी,
जो पर्यंत मदत मिळत नाही ||


✒अनिल लांडगे उंडणगाव
ता.सिल्लोड,जि.औरंगाबाद
968 967 5050

*'दिवाळी'*


आला दिवाळीचा सण,
हर्षीत झाले हे मन।।
ईच्छा आपणासी लाभो,
उत्तम आरोग्य धन।।

आला दिवाळीचा सण,
सण आनंदाचा मस्त।।
असो नित्य डाईवरी,
लक्ष्मीचा वरदहस्त।।

सण मोठा दिवाळीचा,
प्रकाशाचे दिवे जळू दे ।।
आरोग्य, सुख-शांतीरुपी,
जीवन आपले उजळू दे ।।


✒अनिल लांडगे उंडणगाव
ता.सिल्लोड,जि.औरंगाबाद
9689675050

‘शिक्षक’


शिक्षक असतो | जैसा की कुंभार |
गाऱ्यासआकार | देत असे।।१।।

शिक्षक असतो | शामची माऊली |
प्रेमाची साऊली | शिष्यावरी।।२।।

शिक्षक असतो | वात्सल्याचा सिंधु |
सन्मानाचा बिंदू | समाजात।।३।।

शिक्षक असतो | व्यवहार ज्ञानी |
अमृताचे वाणी | गुरुमुखी।।४।।

शिक्षक भासे तो | ईश्वरस्वरुप |
पाहता हुरुप | तनोमनी।।५।।

शिक्षक धरितो | सत्याची ती कास |
मनी असे आस | शिष्यहित।।६।।

शिक्षक करितो | मुलांशी संस्कार |
ज्ञानाचा भास्कर | वंदनीय।।७।।


✒अनिल लांडगे उंडणगाव
ता.सिल्लोड जि.औरंगाबाद
968 967 5050

हायकू...


राधेचा प्रिय
सखा मुरलीधर
मन अधिर


✒अनिल लांडगे उंडणगाव
ता.सिल्लोड,जि.औरंगाबाद
968 967 5050

*'रक्षाबंधन'*


आज असे रक्षाबंधन,
बहीण-भावाचा सणं ||
बहीणीच्या नात्यासाठी,
लेक वाचणार का पणं ||


✒अनिल लांडगे उंडणगाव
ता.सिल्लोड,जि.औरंगाबाद
9689675050

*'सावता'*


माझा रे सावता | फुलवितो मळा |
हरीनाम गळा | भक्तीभावे ||१||

माझा रे सावता | लावी भाजीपाला |
पाही विठ्ठलाला | तयामधी ||२||

माझा रे सावता | भक्ती तया ठाई |
नित्य गुण गाई | विठ्ठलाचे ||३||

माझा रे सावता | भक्तीचा सागर |
प्रेमाचा आगर | ओतप्रोत ||४||

माझा रे सावता | संत शिरोमणी |
असे मज मनी | वंदनीय ||५||


✒अनिल लांडगे उंडणगाव
ता.सिल्लोड,जि.औरंगाबाद
968 967 5050

*'रुप पाहता लोचनी'*


पंढरीच्या राणा विठ्ठला,
रुप पाहता लोचनी तुझे ।।
मिळे अंतरीचे समाधान,
ठेविता चरणी मस्तक माझे ।।


✒अनिल लांडगे उंडणगाव
ता.सिल्लोड,जि.औरंगाबाद
9689675050

अष्टाक्षरी...चित्रचारोळी...


शालू नेसुनी हरित,
भासे सुंदर धरती || 
गिरी पर्वत मुकुट,
शोभे तो शिरावरती ||


✒अनिल लांडगे उंडणगाव
ता.सिल्लोड,जि.औरंगाबाद
9689675050

षडाक्षरी...चित्रचारोळी...


धुक्यातून जाते,
वळणाची वाट ||
निसर्गाने कसा,
मांडियला थाट ||


✒अनिल लांडगे उंडणगाव
ता.सिल्लोड,जि.औरंगाबाद
9689675050

*'असा पाऊस आला'*


असा पाऊस आला,
माती सजली भिजली ||
झाली पेरणं रानात,
जणू बियाणं निजली ||

असा पाऊस आला,
रान भिजवून गेला ||
मनाच्या मातीत माझ्या,
बीज हर्षाचे रुजवून गेला ||


✒अनिल लांडगे उंडणगाव
ता.सिल्लोड,जि.औरंगाबाद
9689675050

चारोळी...


नासले पर्यावरण,
राहिले ना दिन खरे ||
लागुनिया पावसाळा,
परी ना उन्हाळा सरे ||


✒अनिल लांडगे उंडणगाव
ता.सिल्लोड,जि.औरंगाबाद
9689675050

चारोळी...


*'वट पौर्णिमा'*


पतीच्या आयुष्यासाठी,
पत्नी वडाला पुजते ||
संसाराच्या वटवृक्षासाठी,
स्त्री आयुष्यभर रुजते ||


✒अनिल लांडगे उंडणगाव
ता.सिल्लोड,जि.औरंगाबाद
9689675050

पंचाक्षरी चित्रचारोळी...


तोडीतो आंबे,
बाळ इवले ||
बालपण ते,
मनी भावले ||


✒अनिल लांडगे उंडणगाव
ता.सिल्लोड,जि.औरंगाबाद
9689675050

चारोळी...


‘चाहुल पावसाची’


सुटला वारा उठली वावटळं,
लागली चाहुल पावसाची ।।
असा बरसुनी जा एकदा,
नको सय दुष्काळी दिवसाची ।।


✒अनिल लांडगे उंडणगाव
ता.सिल्लोड,जि.औरंगाबाद
9689675050

वात्रटिका...


‘अंदाज पावसाचा'


यंदा चांगल्या पावसाची,
म्हणे भविष्यवाणी आहे ।।
मागील वर्षाच्या दुष्काळाने,
नयनी आजही पाणी आहे ।।

खरी ठरो एकदाची,
पावसाची भविष्यवाणी ।।
शेतक-याच्या जीवनात,
दिन येवो सोन्यावाणी ।।

मनी जे हवामान खात्याच्या,
प्रार्थना देवाशी तसेच घडो ।।
हवामान खात्याच्या मुखी,
साखर गोड गोड पडो ।।


✒अनिल लांडगे उंडणगाव
ता.सिल्लोड,जि.औरंगाबाद
968 967 5050 

चित्रचारोळी...


असे आले वादळ,
नाचले तांडव बेभान ।।
जीवापल्याड बागेची,
कशी झाली धूळधाण ।।


✒अनिल लांडगे उंडणगाव
ता.सिल्लोड,जि.औरंगाबाद
9689675050/9021261820

'येरे पावसा'


श्रमदानातून आज,
गाळलास घाम आहे ||
नका करू तीर्थयात्रा,
कष्टातच राम आहे ||

त्याची करावी आर्जव,
हे आपले काम आहे ||
बरसेल तो एकदाचा,
वर्षा त्याचे नाम आहे ||

आकाशी जमतात ते,
मेघ त्याचे धाम आहे ||
वर्षतो त्याला दिल्यास,
खोटा पैसा दाम आहे ||


✒अनिल लांडगे उंडणगाव
ता.सिल्लोड,जि.औरंगाबाद
968 967 5050 

चित्रचारोळी...


थेंब थेंब पाण्याच्या शोधात,
घेऊन डोई हंडे, कटी बाळ ।।
हिंडते अनवाणी रानोमाळ,
परि सर्वत्र दुष्काळी जाळ ।।


✒अनिल लांडगे उंडणगाव
ता.सिल्लोड,जि.औरंगाबाद
9689675050/9021261820

चित्रचारोळी...


दिस आला मावळतीला,
पडली उन्हाळसाऊली ।।
उभे राहुनीया वाऱ्याला,
धान्य उपणते माऊली ।।


✒अनिल लांडगे उंडणगाव
ता.सिल्लोड,जि.औरंगाबाद
9689675050

चारोळी...


पाय त्याने ओढले ही,
खेकड्याची प्रवृत्ति आहे ।।
पाहताची भूतकाळात,
इतिहासाची आवृत्ति आहे ।।


✒अनिल लांडगे उंडणगाव
ता.सिल्लोड,जि.औरंगाबाद
968 967 5050 

चारोळी...


आली उन्हाळ्याची सुट्टी,
चला मौज मस्ती करूया ।।
खाऊ आंबे, हिंडू रानोमाळ,
पोहण्यास डोहात उतरूया ।।


✒अनिल लांडगे उंडणगाव
ता.सिल्लोड,जि.औरंगाबाद
968 967 5050

‘जल हेच जीवन’


थेंब थेंब पाण्यासाठी,
माऊलीचा आटापिटा ।।
भरेना कधी माठ-रांजण,
किती घालूनीया खेटा ।।

थेंब थेंब पाण्यात कसं,
महत्त्व जीवनाचं दडलयं ।।
केल्याने छळ निसर्गाचा,
दर्शन दुष्काळाचं घडलयं ।।

घोटभर पाण्याच्या शोधातं,
मायमाऊली फिरे अनवाणी ।।
ओळखूनी भविष्यातला धोका,
थेंब थेंब वाचवा रे पाणी ।।

जल हेच  की जीवन,
आहे जीवनाचं रे सत्त्व ।।
अरे जाण रे माणसा,
थेंब थेंब पाण्याचं महत्त्व ।।

थेंब अन् थेंब पाण्याचा,
आता जमिनीत जिरवा ।।
पाळाल हा मंत्र तरचं,
राहील जीवनात गारवा ।।


✒अनिल लांडगे उंडणगाव
ता.सिल्लोड,जि.औरंगाबाद
9689675050

चित्रचारोळी...


पावसास आसुसली,
कशी पाहते वरती ।।
जणू चातक पक्षी,
झाली आज धरती ।।


✒अनिल लांडगे उंडणगाव
ता.सिल्लोड,जि.औरंगाबाद
9689675050

‘आई'


आईची वेडी,
माया बोलते।।
बाळाच्या मुखी,
कळी खुलते।।


मातृदिनाच्या शुभेच्छा!!!


✒अनिल लांडगे उंडणगाव
ता.सिल्लोड,जि.औरंगाबाद
9689675050

चित्रचारोळी...


उन्हं डोक्यावरं तापली,
पडे पायाखाली साऊली ।।
लेकरां घेतले पदराखाली,
त्याशी म्हणे माय, माऊली ।।


✒अनिल लांडगे उंडणगाव
ता.सिल्लोड,जि.औरंगाबाद
9689675050

चित्रचारोळी...


फुलांच्या ताटव्यातूनी,
वाट ही नागमोडी जाई ।।
पाहता फुला-फुलांचे रंग,
मन हे अल्हादकारी होई ।।


✒अनिल लांडगे उंडणगाव
ता.सिल्लोड,जि.औरंगाबाद
9689675050

चित्रचारोळी...


बैसलो आज उदास,
निष्पर्ण या वृक्षातळी ।।
मळभ कसे हे दाटले,
अंतरीच्या या आभाळी ।।


✒अनिल लांडगे उंडणगाव
ता.सिल्लोड,जि.औरंगाबाद
9689675050

‘महाराष्ट्र माझा'


गुणगान गातो माझ्या,
महाराष्ट्राच्या महतीचे ।।
फिटे ना पांग माझ्या,
महाराष्ट्राच्या मातीचे ।।


✒अनिल लांडगे उंडणगाव
ता.सिल्लोड,जि.औरंगाबाद
968 967 5050

महाराष्ट्र दिनाच्या हार्दिक शुभेच्छा... 

चित्रचारोळी...

सरीता किनारी,
घनदाट वनराई ||
प्रतिबिंब तयाचे,
जलाशयी पाही ||

✒अनिल लांडगे उंडणगाव
ता.सिल्लोड जि.औरंगाबाद
968 967 5050

'पवित्र मतदान'


असूनी तू मतदार राजा ,
राजासारखं वागलं पाहिजे ।।
नको नको पडू मोह-मायेत,
देशहितासाठी जागलं पाहिजे ।।

मत तूझे असे लाखमोलाचे,
अवमूल्यन त्याचे करु नको ।।
लोकशाहीची सोडून वाट,
वाईट साथ अशी धरु नको ।।

मतदान असे राष्ट्रीय कर्तव्य,
पवित्र मतदान केलं पाहिजे ।।
लायक अशा उमेदवाराला,
निवडून तर दिलं पाहिजे ।।


✒अनिल लांडगे उंडणगाव
ता.सिल्लोड,जि.औरंगाबाद
968 967 5050

‘दुष्काळ'


असा दुष्काळ दुष्काळ,
डोई हंड्यांची चळत ।।
पायी बसता चटके,
सुर्य आहे तळपत ।।

पाण्यासाठी डोई हंडे,
चालताती नार सावरत ।।
सर्कशीला लाजवेल अशी,
करावी लागते कसरत ।।


✒अनिल लांडगे उंडणगाव
ता.सिल्लोड,जि.औरंगाबाद
968 967 5050

‘दुष्काळ'


असा दुष्काळ दुष्काळ,
डोई हंड्यांची चळत ।।
पायी बसता चटके,
सुर्य आहे तळपत ।।

पाण्यासाठी डोई हंडे,
चालताती नार सावरत ।।
सर्कशीला लाजवेल अशी,
करावी लागते कसरत ।।


✒अनिल लांडगे उंडणगाव
ता.सिल्लोड,जि.औरंगाबाद
968 967 5050

हायकू...


*'अवकाळी'*


नभ ढगाळी
आला तो अवकाळी
भल्या सकाळी

अवेळी असं
तुझ येणं पावसा
ऋतू हा कैसा


✒अनिल लांडगे उंडणगाव
ता.सिल्लोड,जि.औरंगाबाद
968 967 5050

'बाप'

शेतकरी मव्हा बाप,
शेतामधी त्याची वस्ती।
रात दिस काम धंदा,
ऊन-वाऱ्या संग दोस्ती।।

येता उन्हाळ्याचे दिस,
भेगाळले ते वावर।
करुनीया नांगरट,
रान करीतो तयार।।

बरसला तो मीरग,
मव्हा बा दिसे खुशीत।
केली पेरणी बियानं,
निजे मातीच्या कुशीत।।

रान हिरवं हिरवं,
बाप मनाशीच बोले।
पाही हिरवं सपान,
बाप पीकासंग डोले।।

धरी ओढ पावसाळा,
लागे सुखाया ते रान।
पाही अशी अवकळा,
गेले हरवून भान।।

ऊभा उजाडं रानात,
घोर अशी चिंता वाही।
बरसेल हीच आशा,
रोज आभाळाशी पाही।।

नाही पिकल रानातं,
साल अवसान घाती।
बांधावर झाडाखाली,
दोरखंड त्याचे हाती।।

पाहुनीया हे चितर,
मनी दाटले काहूर।
नको करु बा वंगाळं,
पुन्हा फुटलं अंकुर।।

अनिल लांडगे उंडणगाव
ता.सिल्लोड,जि.औरंगाबाद
मो.नं. 968 967 5050
anillandge71@gmail.com

वात्रटिका...


*'चौकीदार'*


त्यांचे म्हणणे 'चौकीदार चोर',
यांचे 'मी पण चौकीदार' आहे ।।
विकासाचे सारे मुद्दे सोडून,
नको त्याचा भडीमार आहे ।।

निवडणूक असो कोणतीही,
व्यर्थ मुद्द्यांचा जोरा असतो ।।
बनवा-बनवी करून त्यांचा,
निवडून येण्याचा होरा असतो ।।


✒अनिल लांडगे उंडणगाव
ता.सिल्लोड,जि.औरंगाबाद
968 967 5050

वात्रटिका...


*'जाहिरनामा'*


यांचे आहे 'संकल्पपत्र',
त्यांचे 'जन आवाज' आहे ।।
पुर्तता होवो वा न होवो ,
जाहिरनाम्याचा रिवाज आहे ।।

कोणाचे 'जन आवाज',
कोणाचे असो 'संकल्पपत्र'।।
असा असावा जाहिरनामा,
तयात दिसावे विकासाचे चित्र ।।


✒अनिल लांडगे उंडणगाव
ता.सिल्लोड,जि.औरंगाबाद
968 967 5050

वात्रटिका...


*'घसरा-घसरी'*


पुन्हा पुन्हा त्यांची,
जीभ घसरत आहे ।।
बोलायला हवे तेच,
नेमके विसरत आहे ।।

वादग्रस्त अशी विधाने,
खरे तर टाळली पाहिजे ।।
सार्वजनिक बोलण्याची,
नैतिकता पाळली पाहिजे ।।


✒अनिल लांडगे उंडणगाव
ता.सिल्लोड,जि.औरंगाबाद
968 967 5050

अष्टाक्षरी चारोळी...


‘गुढीपाडवा'


सणं वर्षाचा पहिला,
गुढी उभारा उभारा ।।
मनी विसरुनी द्वेष,
करा आनंद साजरा ।।


✒अनिल लांडगे उंडणगाव
ता.सिल्लोड,जि.औरंगाबाद
968 967 5050

गुढीपाडव्याच्या हार्दिक शुभेच्छा... 

वात्रटिका...


*'बंधन'*


कोणाच्या हातात झेंडा,
कोणाच्या हाती बंधन आहे ।।
निष्ठावंतांना डावलून,
बंडखोरीला वंदन आहे ।।

कोणाची लेक,नातू, सून,
कोणाचा नंदन आहे ।।
निष्ठावंतांच्या कपाळी,
मात्र बुक्का, चंदन आहे ।।


✒अनिल लांडगे उंडणगाव
ता.सिल्लोड,जि.औरंगाबाद
968 967 5050

वात्रटिका...


*'गरिबी हटाव'*


बाटली जरी असून नवी,
त्यात जुनीच सुरा आहे ।।
आता पुन्हा एकदा त्यांचा,
'गरिबी हटाव' नारा आहे ।।

गोर-गरीब जनतेबद्दल,
कणव वाटली पाहिजे ।।
खरेच एकदा गरीबांची,
गरिबी हटली पाहिजे ।।


✒अनिल लांडगे उंडणगाव
ता.सिल्लोड,जि.औरंगाबाद
968 967 5050

तळ्यात-मळ्यात...


वृत्त : मनोरमा
लगावली : गालगागा गालगागा


काल ते तळ्यात आहे,
आज ते मळ्यात आहे.

कोणती रे चिन्हपट्टी,
घातली गळ्यात आहे.

 टाकता फासे असे की,
सावजच जाळ्यात आहे.

आस खुर्चीची तुझीया,
मतलबी डोळ्यात आहे.

कर्म करुनी हीन ऐसे ,
वागतो सोवळ्यात आहे,


✒अनिल लांडगे उंडणगाव
ता.सिल्लोड,जि.औरंगाबाद
968 967 5050