‘शिक्षक’


शिक्षक असतो | जैसा की कुंभार |
गाऱ्यासआकार | देत असे।।१।।

शिक्षक असतो | शामची माऊली |
प्रेमाची साऊली | शिष्यावरी।।२।।

शिक्षक असतो | वात्सल्याचा सिंधु |
सन्मानाचा बिंदू | समाजात।।३।।

शिक्षक असतो | व्यवहार ज्ञानी |
अमृताचे वाणी | गुरुमुखी।।४।।

शिक्षक भासे तो | ईश्वरस्वरुप |
पाहता हुरुप | तनोमनी।।५।।

शिक्षक धरितो | सत्याची ती कास |
मनी असे आस | शिष्यहित।।६।।

शिक्षक करितो | मुलांशी संस्कार |
ज्ञानाचा भास्कर | वंदनीय।।७।।


✒अनिल लांडगे उंडणगाव
ता.सिल्लोड जि.औरंगाबाद
968 967 5050