*'रेल्वे दुर्घटना'*

रावण जळत असताना,
निष्पापांवरुन रेल्वे धावे ।।
हळहळतील सारेच परि,
गेले त्यांशी कैसे गावे ।।

आनंदाच्या ऐशा दिनी,
विपरीत का घडत असते ।।
चुक कोणाची यावरच,
चर्चा मात्र झडत असते ।।


✒अनिल लांडगे उंडणगाव
ता.सिल्लोड,जि.औरंगाबाद
968 967 5050

वात्रटिका...


*'दुष्काळ पाहणी'*

धुराळा उडवित नेते,
दुष्काळ पाहून गेले ।।
आम्हीच तुमचे कैवारी,
ऐसे काही दावून गेले ।।

दुष्काळ आढावा बैठकीत,
सुक्यामेव्याची ताटली असते ।।
चर्चा झडते दुष्काळावर अन्,
पिण्यास मिनरल बाटली असते ।।


✒अनिल लांडगे उंडणगाव
ता.सिल्लोड,जि.औरंगाबाद
968 967 5050

वात्रटिका...


*'रावण दहन'*

दसरा सणाच्या दिनी,
रावणाचे दहन करतो ।।
मात्र रावणाच्या वृत्तीचे,
वर्षभर वहन करतो ।।

रावणवृत्तीचे दहन व्हावे,
अम्हा प्रत्येकाला कळते।।
मागचेच पाढे पंचावन्न,
हेची अम्हासी  वळते ।।


✒अनिल लांडगे उंडणगाव
ता.सिल्लोड,जि.औरंगाबाद
968 967 5050

चारोळी...


*दसरा'*

आज दसरा सणं,
वाटू आपट्याची पानं ।।
करुया साजरा दसरा,
देवुन शुभेच्छांचं सोनं ।।


✒अनिल लांडगे उंडणगाव
ता.सिल्लोड,जि.औरंगाबाद
968 967 5050

दसऱ्याच्या हार्दिक शुभेच्छा! 

चारोळी...


*‘विसरण्याचे वरदान’*


आठवणी आठवल्यावर,
विसरुन जातो मनुष्य।।
विसरण्याचे वरदान म्हणूनच,
जगून घेतो भावी आयुष्य।।


✒अनिल लांडगे उंडणगाव
ता.सिल्लोड,जि.औरंगाबाद
968 967 5050

*'राजमाता जिजाऊ'*

सोनियाचा दिन
किल्ले शिवनेरी
पहाट सोनेरी
          उगवली ||१||

जन्मले शिवबा
उदरी जिजाऊ
पाळणा तो गाऊ
          जो बाळा जो ||२||

राम कृष्ण कथा
सांगे जिजाबाई
संस्कार ते होई
          शिवराया ||3||

स्वराज्याचे स्वप्न
बाळगूनी मनी
पाठवले रणी
          शिवबाशी ||४||

शिवबा तो वीर
स्वप्नाशी आकार
केलेत साकार
          जिजाऊंचे ||५||

✒अनिल लांडगे उंडणगाव
ता.सिल्लोड,जि.औरंगाबाद
968 967 5050

राजमाता जिजाऊ यांना विनम्र अभिवादन!